Gure bazkide berriek, Neexis Render, adimen artifizialez elikatutako 3D modeloak errendatzeko plataforma aurkeztuko dute hitzaldi honetan, produktu-diseinuaren eta bisualizazioaren arloan duten esperientziatik sortua. Haien ibilbide profesionalean oinarrituta, proiektu hau nola sortu zen, zer motibaziok bultzatu zuten eta irudikapen bisualeko prozesuen behar berriei nola erantzuten dien azalduko dute.

Saioak Neexis Render zer den, nola funtzionatzen duen eta errendatze zein bisualizazio prozesuetan zer arazo konpondu nahi dituen azaltzeko balio izango du. Adimen artifiziala lan-fluxu horietan nola txerta daitekeen aztertuko da, prozesuok arinago, malguago eta irisgarriago bihurtzeko, eta, aldi berean, 3D ereduetatik irudiak sortzeko aukera berriak zabaltzeko. Helburua ez da tresna bat aurkeztea soilik, baizik eta sormen-prozesuen bilakaerari buruzko ikuspegi bat partekatzea, teknologiek aukerak nola zabal ditzaketen erakutsiz, diseinu-irizpidearen balioa ordezkatu gabe.

Gainera, plataformaren garapenaz, proiektua ondu duten erabakiez eta errendatze prozesu tradizionalen aldean eskaintzen dituen abantailei buruz hitz egingo da. Teknologia hau sormen- eta diseinu-lanfluxuetan nola txerta daitekeen erakutsiko da, produktuak, ideiak eta kontzeptuak modu bisualago, erakargarriago eta moldakorragoan aurkezteko baliabide erabilgarri gisa.

Hitzaldiaren barruan, kasu praktiko bat ere burutuko da, tresnaren funtzionamendua zuzenean eta modu aplikatuan erakusteko. Ariketa honek saioan zehar azalduko diren kontzeptuak lurreratzeko balio izango du, Neexis Render benetako lan-prozesu batean —3D eredutik irudia sortu arte— nola txertatzen den modu zehatzean erakutsiz. Horrela, hitzaldiak alderdi hausnarkorra eta testuingurukoa erakustaldi praktiko batekin uztartuko ditu, plataformaren potentziala eta diseinuaren, bisualizazioaren zein produktu-komunikazioaren esparruan zabaltzen dituen aukerak hobeto ulertzeko.

Eskuratu zure sarrerak hemen